嘻嘻~~因為小夢既老公豬近日放大假....所以無咩野時間上來update呀....sorry~
見今日8號風球....先有d時間update^^~
好啦....今日教大家既係.....pizza hut食到既蒜蓉包啦....yeah~~
今次小夢再用中種法.....然後做了兩條....一條就塗上超市購買既香草蒜蓉醬....
而另一條就塗上李錦記既蒜蓉.....試下邊一種係最好食....
實驗結果顯示......李錦記係好食好多既....

李錦記 :  個樣唔似....因為蒜頭好大粒...口感亦唔好....但係味道真係似足pizza hut
香草蒜蓉醬 :  個樣就好似....但係味道真係無咩野蒜味....唔夠香....

所以我覺得...如果能將李錦記既蒜蓉.....花d時間磨爛....變得幼細d....咁就100%正~
不過我未試呢~~如果做完我再post上黎先~^^
好啦.....去片~~*

下面係用左香草蒜蓉醬....唔係咁好食....我估轉返無香草果種可能好d....
因為個味太重香草味.....但個樣就100%似出面街的~*

近鏡影一幅先~~~睇下幾正....下面既係李錦記蒜蓉....粗粒既~*

兩條包包岩岩出爐....真係口水流~*

比大家睇下岩岩出爐時既樣先....好靚仔嫁~*

(閱讀全文)

終於都輪到介紹我呢一個甜品啦.....媽咪好鐘意咁話bo~
呢一個食譜係我係為食貓見到既....
剛剛就係用左我之前整過既 "綠茶豆腐布丁" 演變出來嫁~
因為小夢絕對係喜歡紅豆既甜點.....所以都忍唔住做左啦~
今次我係10蚊店.....買左兩罐紅豆蓉....好抵....因為佢個質感好岩做甜品....
又唔洗辛辛苦苦咁煮紅豆....真係好方便嫁.....味道仲岩岩好tim....
今次我仲將豆腐漿.....過左3次篩......真係滑好多呀.....
今次將隔左出黎既渣.....倒走唔要.....ok唔錯.....技術上既問題....哈哈....
媽咪仲話.....唔落紅豆都好味.....oh...我就覺得有紅豆先最正.....yummy~
老公豬都好鐘意食.....嘻~
希望大家喜歡啦.....大人細路都岩食....呵呵~~*

滑一滑既布丁.....鋪上甜絲絲既紅豆.....真係正到爆~*

(閱讀全文)

^0^小夢近來都幾忙.....所以慢左同大家分享食譜呀~~
今日介紹既係另一款麵包.....就係用左好好味既藍莓乾做既麵包啦~
我參考左上次買既 "自家製麵包" 食譜書.....再改左個味道.....
因為好想整藍莓味既麵包.....因為我屋企人好鐘意食藍莓嫁....
所以今次當然係非常成功啦.....呵呵呵
大家如果行開超市....見到藍莓乾賣.....都不坊買包返來整下野食....
整蛋糕都得嫁....唔錯嫁....好好味嫁~~!!!

藍莓乾包做完出黎.....一啖咬落去.....係好香甜嫁.....正~*

(閱讀全文)

因為之前成功做左吐司出黎....好有滿足感呀....可以拎去賣了~*
所以今次小夢就再接再厲.....再嘗試<<全麥吐司>>....
我想做呢個好耐嫁啦.....因為佢高纖.....而且我想老公豬食我整既野會健康d^^~
因為為了至愛的健康....就做左呢個出黎啦....
不過唔知係唔係我買果隻.....全麥麵粉....唔係書上面用果隻....
所以有少少發育不良....發得唔夠高....
不過都唔緊要.....好食就得啦~~yeah^^~~~
另外想補充一點....就係其實吐司模....質地係用左厚鋁.....
所以焗出黎既吐司....就可以做到有厚厚而且軟熟既麵包皮....
如果大家貪平.....買左唔係下面我所用果種吐司模....
出到黎既效果可能無咁好....個皮可能唔同左樣....
所以大家要考慮一下去買一個啦~~補充完畢~*

切開左比大家睇下....好多麥粒粒嫁....高纖有益嫁....大家一定要試~*

(閱讀全文)

哈哈.....前一排小夢買左一本新出既麵包食譜書.....好開心呀....
因為裡面教既麵包食譜都非常岩用.....而且仲好有香港feel.....正呀~
食譜書係由一個香港blog友寫既....所以特別有親切感呀....
希望大家都可以好似佢咁....寫blog都可以出書啦.....
blog壇真係臥虎藏龍嫁....好多blog友整野食都好勁....(果個一定唔係我...哈)
呢本書叫做自家製麵包....我鐘意呀~*

講返今次小夢整既麵包....叫做北海道吐司....味道真係好食...
老公仔佢食完都話好味道呀....好香既味....少少甜甜地....
今次係第一次用中種法....真係好ok wor.....整完出黎既麵包會細密d....鬆軟d....
而且仲會彈牙一d....比起直接法只係用多左兩個鐘時間.....尚可以接受啦....
大家如果有時間....一定要試下做呀....包你可以做出滿意既質感出來~*

小夢新買左一個有蓋450g吐司模....整出黎會高身好多....靚仔好多呀~*

切開比大家睇下.....裡面真係好細密....鬆軟....香噴噴嫁~*

因為成份有淡忌廉....所以會有好香牛奶味~*

(閱讀全文)

好啦...比個食譜你地睇啦~

(閱讀全文)

今次介紹既....係難度幾高既....中式壽桃包~~*

話說年頭就係老公仔既公公生日既日子....
咁我梗係要第一時間...諗下可以做D咩野黎孝順一下啦~~^_^"
今次話哂....都係我同老公仔拍拖咁耐...第一次出席老公家既活動....
今次第一次見哂佢咁多個親戚....真係幾大壓力嫁~~
但係我都無同老公講....其實我都幾緊張...
終於決定做壽包...咁我係12月尾已經開始練習....
點知我自己做既壽包...練習第一次同第二次都半失敗...
每次都有一半或以上係唔靚....一係個形怪怪....一係就爆餡....激死...
距離呢一日既日子又越黎越近....真係唔知點算好....
不過....我都算係一個有天份既人BO~
到左正式做既時候....我又100%成功左....一隻唔靚OR爆餡都無....
真係好開心呀.....終於都可以比自己一個交代啦....
整左第3次啦...呵.....成功啦....
好啦....比大家睇下呢個中式包....係點整嫁啦~去片~~*

(閱讀全文)

今日又黎做朱古力捲吐司...因為老公仔鐘意食唷~~
今次包裝得靚靚...同大家分享一下啦~~

今次我買左把新既切包包刀~~所以切得靚好多呀...
個包包面唔會好似上次咁變左形....今次仲好圓嫁~

(閱讀全文)

朱古力麵糰材料 :

(閱讀全文)

日式牛奶軟包食譜~

(閱讀全文)

食譜:

(閱讀全文)

(閱讀全文)

先黎睇下老公仔整既pizza先啦....
上面我地好貪心....放左勁多料...
有火腿 / 菠蘿 / 粟米 / 蘑菇 / 芝士....
真係自家製超級至尊呀....正~~個邊邊仲好脆tim~

(閱讀全文)

粟米火腿包

2) 雞尾包
因為我唔夠時間做包面既裝飾....所以先省略吧....
我又無買芝麻....所以無計啦....
*雞尾餡做法 :
 牛油100g / 麵粉 45g / 奶粉 50g / 砂糖 45g / 椰絲 20g
 所有材料拌勻....放雪櫃雪硬
我覺得好似甜左dd....大家可以每隻包包...包少d餡...我太貪心....所以甜左dd喔
大家可以在包面放上芝麻粒....及畫兩行墨西哥油....
我省略左....呵呵